LA REDACCION D’UN DICCIONARI ORTOGRAFIC E LA PROBLEMATICA GENERALA DE LA LEXICOGRAFIA CONTEMPORANÈA

Resumit de nòstra intervencion : l’incoeréncia deis obratges lexicografics a disposicion dau public nos menèt a redigir un diccionari ortografic per aportar un pauc mai de seguretat linguistica ais usatgiers. Se siam acarada a de problèmas d’autant mai nombrós que la lexicografia occitana patís d’una misèria cronica despuei la parucion dau Tresor dóu Felibrige de F. Mistral, que lo diccionari d’Alibèrt n’es qu’una marrida còpia tenent de centenats de decas. Presentarem la metodologia adoptada per l’establiment de la tiera deis entradas, e l’agach critic que fa mestier d’aver a respècte dei diccionaris, notadament pertocant leis atestacions de regionalizacion. Evocarem tanben lo dolorós problèma dau còrpus jamai analisat, que nòstrei lecturas d’autors contemporanèus nos a permés de relevat de centenats de paraulas absentas de totei lei diccionaris, que mòstran la granda libertat de formacion dau lexic occitan.

De legir sus la revista de linguistica en linha